【客語版】
「Hakka客語輸入法」應用程式上架吔！客家委員會主任委員古秀妃25號宣布客委會正式推出用客話做輸入法个應用程式APP，還過表示臺灣科技發展係帶領世界个潮流，客委會推動客家事務个事頭也愛跈等進步，蓋歡喜做得擎頭做，歡迎大家遽遽來下載，用客家話同親朋好友交流。
古主委講，客語輸入法APP也呈現出客家語言文化个公共化，配合總統賴清德提出客家六箭政策中个「公共客家」，使致客家話做得在公眾場合用得著、聽得著。當然，目前APP還有蓋多毋罅个所在，𠊎等會提供使用者意見調查表，再過針對問題做調整，還請大家多多紹介分朋友來使用。
古主委也講著，客語輸入法目前支援四縣同海陸兩大腔頭，現階段也當當在該蒐集大埔、饒平、詔安腔語料入庫，未來會慢慢仔做全5大客話腔頭。另外，APP毋單淨做得用在日常對話，也定定仔會普遍用在教育、醫療、長照、服務等生活領域。華碩雲端副總經理李立國就表示，客語輸入法係臺灣有史以來盡有系統个客語開發，無論係語料搜集、AI智慧、音頻軌道等都蓋有難度，毋過使用APP相對也會分學校、醫院等終端市場還過偎兼客語文化。
客委會對106年起勢收集語料，110年開始委託辦理「臺灣客語語音資料庫」計畫，到今完成四縣腔同海陸腔平行辭庫、語音資料蒐錄同建置語音辨識功能，還過在今（113）年起勢開發做得用在手機仔、平板等行動裝置个客語輸入法應用程式。
「Hakka客語輸入法APP」除忒支援四縣腔同海陸腔个拼音輸入，也提供安卓系統个語音輸入功能，分用个人做得透過語音轉換做文字；另外也提供客語漢字轉圖片、客語拼音、客語漢字加註拼音等輸出功能，恁仔就做得分目前無法度在行動裝置顯示个生難字有選項好代用，增加客語文字在行動裝置个流通同能見度。今下既經同App Store與Google Play平臺上架，歡迎客語使用者、愛好者同學習者下載使用，共同為客語个傳承同發展，盡一份心力。
-------------------------------------
【華語版】
「Hakka客語輸入法」應用程式上架囉！客家委員會主任委員古秀妃今（25）日宣布客委會正式推出以客語為輸入法的應用程式APP，並表示臺灣科技發展是引領世界的潮流，客委會推動客家事務的工作也要隨之進步，很高興能率先推出，歡迎大家遽遽下載，用客家話和親朋好友交流。
古主委說，客語輸入法APP也呈現出客家語言文化的公共化，配合總統賴清德提出客家六箭政策中的「公共客家」，讓客家話能在公眾場合用得到、聽得到。當然，目前APP還有很多不足的所在，我們會提供使用者意見調查表，並針對問題做調整，還請大家多多介紹給朋友使用。
古主委也提及，客語輸入法目前支援四縣及海陸2大腔調，現階段也正在蒐集大埔、饒平、詔安腔語料入庫，未來會慢慢完整5大客語腔調。此外，APP不僅能用於日常對話，也能逐漸普及在教育、醫療、長照、服務等生活領域。華碩雲端副總經理李立國則說，客語輸入法是臺灣有史以來最有系統的客語開發，無論是語料搜集、AI智慧、音頻軌道等皆具難度，但使用APP相對也能讓學校、醫院等終端市場更親近客語文化。
客委會自106年起蒐集語料，110年起委託辦理「臺灣客語語音資料庫」計畫，迄今完成四縣腔及海陸腔平行辭庫、語音資料蒐錄及建置語音辨識功能，並於今（113）年起開發適用於手機、平板等行動裝置的客語輸入法應用程式。
「Hakka客語輸入法APP」除了支援四縣腔及海陸腔的拼音輸入，也提供安卓系統的語音輸入功能，讓使用者能透過語音轉換成文字；另也提供客語漢字轉圖片、客語拼音、客語漢字加註拼音等輸出功能，讓目前無法在行動裝置顯示的生難字有替代選項，增加客語文字於行動裝置的流通及能見度。現已於App Store與Google Play平臺上架，歡迎客語使用者、愛好者及學習者下載使用，共同為客語的傳承與發展，盡一份心力。